GUERRA - Di ficu a lèttera

O paisi mi canuscenu comu Pinu Serra,

o quarantatri ja nui arrivau a guerra,

e tutti quanti scappammu nta li vigni

cercavamu rifugiu nta li grutti di Pigni.

Nu journu jemu cercandu nu panaru

cu Micareju, n’amicu meu raru,

mu cogghjmu i ficu grossi i na ficara,

aprimmu e trasimmu dintr’a na pagghjara.

Vittimu na fimmana a nuda nta lettéra,

facia nu pocu i luci na lumera,

subba ad ija nc’era n’omu cu culu i fora,

queti i guardammu pe cchjiù di n’ora.

Chjanu chjanu ndi nbicinammu a la lettéra

e vittimu ca a fimmana jera na cotrareja,

l’omu quasi cinquantinu jera maritatu,

era patri i tri figghj st’abbramatu.

Vasati e stritti abbrazzi peju i n’abbampatu,

e stritti cchiù pejiu di nu condali ntorciniatu;

jenu i susu a vasciu senza pigghjiari hjatu,

a na vota gridaru comu nu porcu scannatu.

Ndi smirciaru e prestu prestu s’accupparu,

ndi spagnammu e scappammu cu panaru.

Guardandu a chiji dui i ficu nd’avemu scordatu,

jimmu e nd’inchimmu nu panaru ncubulatu.